काठमाडाैं, पुस १६
चर्चित मोडल एवं गीतकार सूर्य लामाको ‘निभ्न लागेको दियो’ बजारमा अाएकाे छ । आफ्नै रचना र मोडलिङमा उनले आधुनिक गीत निभ्न लागेको दियो बजारमा ल्याएका हुन् ।

विगत तीन वर्षदेखि मोडलिङ क्षेत्रमा सक्रिय रहेका लामाको गीतमा स्वर तथा संगीत राजकुमार तामाङले दिएका छन् । रामेछाप जिल्ला खनियापानी गाविस रूपाकोटमा जन्मिएका लामा सानैदेखि गीत संगीत क्षेत्रमा रुची राख्ने भए पनि तीन वर्ष अघिदेखि मात्र सांगीतिक क्षेत्रमा प्रवेश गरेका हुन् ।

लामाले बजारमा ल्याएको निभ्न लागेको दियोको म्युजिक भिडियोमा मोनिका दाहाल र सागर पुरी र स्वयं लामाले अभियन गरेका छन् ।

ग्रीन टच मिडिया प्रालिले बजारमा ल्याएको उक्त गीत निकै मर्मस्पर्सी रहेको छ । लामाले दर्जनभन्दा बढी गीतको रचना गरे पनि यो पहिलो गीत बजारमा ल्याएका हुन् । लामाको रचना रहेको ‘दिलमा यस्तो चोट दिएर गयो, जिन्दगीमा नभुल्ने कहानी छोडेर गयो’ गीतको रेकर्डिङ कार्य भइरहेको छ । यस गीतमा राजकुमार तामाङकै स्वर र संगीत रहेको छ ।