काठमाडौं, पुस १९ ।
यहीँ पुस २४ गते आइतबारदेखि ‘आठौँ मिडिया कप फुटबल प्रतियोगिता’ त्रिपुरेश्वरस्थित दशरथ रङ्गशालामा हुने भएको छ ।

उक्त खेलको टाइसिट सोमबार ड्र गरिएको छ । दुई समूहमा विभाजन गरी खेलाइने खेलको समूह ‘ए’ मा नेपाल टेलिभिजन, कान्तिपुर टेलिभिजन, एभिन्युज टेलिभिजन र एपी वान टेलिभिजन रहेको छ ।

समूह ‘बी’अन्तर्गत ईमेज च्यानल, अन्नपूर्ण पोष्ट दैनिक र रेडियो नेपाल परेको छ भने प्रतियोगिताको लिग खेल २९ गतेसम्म हुने भएको छ । माघ २ गते सेमिफाइनल हुने छ ।

त्यसैगरी फाइनल भने माघ ४ गते हुने आयोजकले जनाएको छ । विजयी टीमलाई ५० हजार र उपबिजेतालाई २५ हजार रुपैयाँ पुरस्कार स्वरूप प्रदान गरिने आयोजकले जनाएको छ ।