एजेन्सी, पुस १९ ।
नेपालमा मात्र नभई संसारमै बढी रुचाईएको खाजामध्ये अग्रपंक्तिमा पर्न आउँछ ससेज । ससेजको स्वाद चाख्न प्राय मानिस घरमा भन्दा पनि अझ बढी रेष्टुरेन्टतिर धाउने गर्छन् ।

यसरी खाजा खाने क्रममा ससेज अर्डर गरेर खाँदै जाँदा अन्तिममा आएर एउटा ससेज यस्तो भेटियो जुन ससेज हुबहु पुरुषको लिङ्ग आकारमा भेटियो । त्यो पनि पुरुषलाई नभईकन एउटी महिलालाई त्यो घटना भएको हो । घटना अफ्रिकी राष्ट्र घानाको राजधानी आक्राको हो । सोही देशकी ओकाशु नामक महिलाको प्लेटमा पुरुषको लिङ्ग आकारको ससेज भेटिएपछि हंगामा नै मच्चिएको छ । उक्त दृश्य देखिएपछि ती महिलाले पुरुषको लिङ्ग नै भएको शंका लागेर प्रहरीमा खबर गरेकी थिइन् ।

खाइरहेको सुपमा सबै मासु खाइसकेपछि मात्र उनले उक्त ससेज देखेपछि प्रहरीलाई बोलाएर डीएनए नै परीक्षण गर्नका लागि आग्रह गरेकी छन् । उक्त ससेज लिङ्ग नै हो वा होइन भनेर यकिन गर्न प्रहरीले अनुसन्धान गरिरहेको अन्तर्राष्ट्रिय समाचार संस्था ‘मिरर न्यूज’ले जनाएको छ ।