काठमाडाैं, पुस २० ।
गायक सुमन के.सी. रानी महल नामक गीत लिएर बजारमा आएका छन् । गायक के.सी. आफ्नो प्रेमिकालाई महल दिन सक्दिन भन्दै म्युजिक भिडियोसहित सांगीतिक बजारमा आएका छन् । ‘सक्दिन म बनाउँन तिम्रो लागि, रानी महल न ताज महल सम्झिने छन् दुनियाँले, यही झुपडीलाई शिष महल’ गीतको म्युजिक भिडियोसहित बजारमा आएका हुन् ।

संगीत संयोजकका रूपमा पनि छुट्टै छबि बनाईसकेका गायक के.सी.को यो गीतले छोटो समयमै दर्शक श्राेताको राम्रै माया बटुलेको छ । यूट्युबमा राखेको तेश्राे सातामै रानी महल गीतको म्युजिक भिडियोलाई ८३ हजारभन्दा बढी दर्शकहरूले हेरिसकेका छन् ।

पुर्खाहरू थिएनन्, राजा अनि मुखिया पुस्तौदेखि लेखिँदै आयौँ, कर्ममै दुखिया, अर्जुन कौशल मोहनले आफैँले लेखेको शब्दमा भाव सुहाउँदो संगीत भरेका छन् । गौरव गिरीले निर्देशन गरेको रानी महलको भिडियो सोभाकर पोख्रेलले छायाँकन गरेका हुन् ।

पछिल्लो समयका चर्चित मोडल एवं नायक पुष्पल खड्का र अस्मिता श्रेष्ठको अभिनय रहेको भिडियोको दृश्य सम्पादन भने सुरेश रावतले गरेका हुन् ।
भिडियाे हेर्नुस्
https://www.youtube.com/watch?v=BLSKQIPpV7c